الوقت المقدر للقراءة 55 ثانية .
كيفك أنت ملا أنت ؟
كيفك ؟ تمام ..كيف صحتك ؟ تمام ..شو أخبارك ؟ تمام ..طمني عنك ؟ تمام
.
و انتهى الحديث الودّي السريع و كل منهما ذهب في طريقه مثقلاً بالهموم و عاد الوجه الى عبسته المعتادة بعد أن أتعبته إبتسامة اللقاء العريضة .
هل نعني فعلاً ما نقول ؟ هل نحن مهتمين ؟ أم صف كلمات ؟
و لما بسألك ما بستنى تجاوبه و برشلك ياهم ورا بعض و ما بتعرف على أي سؤال تجاوب و بكون هو ماله مركز معك أصلاً .
و آخر شي بقول لك انبسطت كتير بشوفتك و أطمنت عليك و بودعك ببوستين من النوع الرش .
جرب شي مرة جاوبه كيفك بجد و شوف إذا بيعرف يسمعك ، أو إذا بسألك مرة تانية كيغك ، و طبعاً أنسى البوستين الرش .
و إذا بدك ما تخسره مع البوستين ، تاني مرة بس تشوفه فوراً جاوبه قبل ما يسألك قول له ( أنا تمام و أنت تمام ) و أسبقه أنت بالبوستين و لا تنسى تقول له أنبسطت كتير بشوفتك و أمشي بسرعة ، صدقني كتير راح يحبك و تكسبه صديق العمر .