الوقت المقدر للقراءة 1 دقيقة .
من زمان كنا أحلى أبسط أروء .
مشتاقين لحالنا و بعضنا لما كنا قريبين من القلب و من بعضنا .
اسمع أغاني كنت تحبها من زمان مرتبطة بذكريات حلوة مع فنجان قهوة .
احضر مقاطع كوميدية من مسرحيات كنت تحبها و تضحك عليها .
تواصل مع ناس بتحبهم بتجمعك معهم ذكريات حلوة و مودة و لو من زمان ما تواصلت معهم .
العب لعبة مع عيلتك أو رفقاتك من زمان ما لعبتها .
ادخل على الذاكرة و أنعشها و رجع الشىريط و وقفه على بعض الذكريات اللي بتحبها و استحضر شوي من هل مشاعر .
قلد حالك كيف كنت من زمان أبسط أروء و أحلى ، إذا حاسس حالك ناشف فيك ترطب شوي روحك بتفاصيل صغيرة بتحبها خاصة فيك .
وسائل الترطيب مجانية و متاحة للجميع في كل بيت رغم صعوبة الظروف . كلنا عنا هموم و تحديات .
الروح لا تهرم و لذلك بتلاقي أشخاص في عمر متقدم روحهم شباب حلوة و حضورهم حيوي لطيف رغم همومهم لأني حرروا أحلى شي فيهم و بتلاقي شباب هرموا و حضورهم ثقيل على القلب لأني حبسوا أحلى شي فيهم و حرروا أبشع ما فيهم .
القسوة على حالنا و على بعضنا أحد الأسباب الرئيسية لجفاف الروح .