الوقت المقدر للقراءة 50 ثانية
من لعبة جحشة طويلة جحشة قصيرة إلى لعبة عالي و واطي رحنا بين الأجرين ، و من لعبة التخباية للعبة الغميضة دخنا و اتفشكلنا .
بدنا لعبة تخليييص صرلنا زمان ما لعبناها أو دقوا الجرس و صرفونا .
صرلنا سنين عمنعيد الصف الأول لازم نكون تخرجنا من الجامعة من زمان .
كل سنة بتجينا أسئلة صعبة من خارج المنهاج و بترسبونا و بتعاقبونا بجب الفار .
في منا هرب من حيط المدرسة عالوادي و منا محبوس لسا بجب الفار .
عطشنا حنفيات المدرسة مصدية متعطلة بقيان حنفية عبتنقط ما بتكفينا .
و الحجي عالباب ما ضل عنده اكلات تكفينا غير دقة عمنسفها و نلحسها و منتشردق فيها بلا ماي .
ما بقي حدا بالمدرسة غير الموجه مع دفتر التفقد و عصايته .
و فوقها كل يوم عنا نفس مذاكرة الإملاء بترسبونا فيها و منعيدها .
احلامنا بسيطة بس بدنا نرجع عالبيت نكمل افتح يا سمسم ، اشتقنا لكعكي .
بس دقوا الجرس و اصرفونا أو لعبونا تخليص