اللي فعلا بيجمع الناس مو الدين ولا السياسة ولا حتى العادات والتقاليد ولا أساليب الحياة. كل هالأشياء ممكن نختلف فيها، وممكن نبتعد بسببها. حتى الحب اللي بيبدأ جامع، ممكن ينتهي بخلاف.
لكن في شيء بسيط وعجيب يوحد الكل رغم اختلافهم: الضحك. روح الفكاهة، اللحظة اللي الكل يضحك فيها من قلبه، اللعبة اللي الكل يشارك فيها بحماس، المتعة اللي ما بتحتاج تفسير ولا اتفاق.
لو جمعت أشخاص من خلفيات وأفكار متناقضة، نكتة صغيرة أو موقف طريف كفيل يلغي الحواجز بينهم، يخلق لحظة فهم وإنسانية مشتركة.
ما لازم نتفق بدين ولا بسياسة ولا بطريقة عيش و لا بآراء اجتماعية. الاختلاف طبيعي .بس اللي ضروري فعلا ونحتاجه هو ان نضحك و نلعب و نفرح و نستمتع و لو بأبسط الطرق و التفاصيل.
كلياتنا عنا مشاكل وهموم بس اذا وقفنا الضحك و اللعب و المتعة ما راح تنحل مشاكلنا بهي الطريقة ،بالعكس بتزيد همومنا وتصبح حياتنا جافة و تهرم ارواحنا.
الأشخاص اللي عندهم جدية زيادة على أساس عاطينها حقها منشان بريستيجهم المزيف و بحسبوها كتير يصبحوا جامدين متخشبين غير جذابين ،معلش كون طبيعي بايخ احيانا احسن ما تكون متخشب اصطناعي.
الأشخاص اللي روحهم شباب مهما تقدموا بأعمارهم و يظهروا اصغر من أعمارهم هم أشخاص على طبيعتهم و يعرفون جيدا كيف يستمتعون و يضحكون و يلعبون و لذلك هم جذابون ببساطتهم.
لأن في لحظات الفرح و المتعة نصبح فيها صادقين على طبيعتنا بروح الطفولة و حيوية الشباب مهما كانت اعمارنا ونفهم بعضنا أكثر ونحس ببعضنا أكثر و نعيش ببساطة ككائنات اجتماعية إنسانية
